Picadillo
(gisadong ginaling)
Ang Picadillo usa ka karaang recipe nga espanyol. Apan uso gihapon hangtod karon kay simple ra ni nga buhaton ug lamian pa. Kon wala ka kaila sa Picadillo, mao ni ang kanunay natong masud-an sa ginisang ginaling. Kini nga recipe pwede nimo ipalaman sa lumpia o empanada. Kon imo ning paresan og kan-on, itlog ug pritong saging, ang tawag niini arros ala cubana.
Gisaha ang ahos, sibuyas bombay ug tamatis sa mantika. Idugang ang ground pork hangtod mo-brown. Saguli og soy sauce ug uban pa. Idugang ang ubang mga sagol nga utanon. Lutoa kini sud sa 8-12 minutes. Haona. Andam na kini i- serve.