Changes in my life

PAGSULOD ko pa gani sa main lobby sa university nga akong gitunghaan, I saw Gerald standing in front of the guardhouse. Nagpahiyom siya samtang nagtan-aw nako. Naguba gyud ang akong morning. Kinsay di maglagot? Usually gyud niya ning buhaton. Maghuwat siya nako sa lobby.

Nagkusmod kong miagi sa iyang atubangan. Ug ang kanahan, misunod nako. Aw, mao man gyud ning iyang buhaton. Magatang siya nako every morning sa akong pag-abot sa eskol and then he will follow me to my classroom. “Hi, Miss beautiful!” “Tse!” Gisulingahan ko si Gerald. Wa man gani ko motan-aw niya. Nganong naglagot ko aning karaho? Aw, sa akong pagtuo wa siyay respeto nako. Di ba binastos man ning kanunay niyang gibuhat nako? Kon tinarong pa, di unta siya mag-atang-atang nako sa lobby sa eskol? “I love you, Ms. Beautiful!” Wa na gyud ko makapugong sa akong kalagot. Mihunong ko paglakaw ug nanighawak kong miatubang kang Gerald.

“Unsa ba? Kabastos man nimong pagka tawo!” Kahilakon ko sa kasuko ug hapit ko na lang iduot ang akong tudlo sa agtang ni Gerald.

Misamot ang akong kalagot kay mikatawa nuon si Gerald. Morag wa lang niya ang akong pagtulisok niya. “Di man ko bastos, Ms. Beautiful. I’m serious. I really like you.” “Shit!” Gisulingahan ko na sab si Gerald dayon kong biya niya. Nagyawyaw kong naglakaw. Sus, ang kanahan, mihunong lag sunod nako dihang nakasulod na ko sa akong classroom. Gibundak ko ang akong sampot sa paglingkod ko na.

Nakalingi ko kang Belinda nga nagkatawa. Kanunay ming magtupad paglingkod si Belinda sa classroom. Klasmet mi sa pipila ka subjects. Parehas mig gikuhang kurso, Education. “Hayy gyud ning gugma. Makaputong gyud!” “Makaputong molang! Labaw gyud ana!.” Bisag naglagot ko, nahikatawa na lang sab ko.

Nakahibawo si Belinda sa rason kon nganong masuk-anon ko. Gisuginlan ko siya bahin kang Gerald. Wa pa mosulod ang among propesor maong nakahigayon mi si Belinda sa pag-estoryahay.

“If I were you, Helen, sugton ko si Gerald aron di na siya magsigeg sunud-sunod nimo dinhi sa eskol” Gisulingahan ko si Belinda. “Kon siya na lang, may pang magpadalagang guwang na lang ko!”

Nagkinataw-anay m isi Belinda. Friend mi si Belinda. Nagkaila mi dinhi ra sa eskuwelahan. Nahunong ang among pag-estoryahay dihang misulod na ang among propesor.

Nianang pagka hapon, misurok na sab ang akong dugo sa kalagot kay nag-atang na sab si Gerald nako sa lobby.