1 patay sa shootout sa Medellin

PATAY ang usa ka giingon nga drug personality human kini nisukol sa kapulisan sa Barangay Daanlungsod, Medellin niadtong Sabado sa gabii.

Naila ang suspek nga si Warren de Leon samtang, nasikop ang duha ka kuyog niini nga sila si Mark Liven Gunhuran ug Wendell Joromo.

Sa wala pa ang shootout, nakadawat og text message ang kapulisan kabahin sa armado nga tawo sa Poblacion. Pinangulohan ni Senior Insp. Arvi Arbuis, hepe sa Medellin Police, dali kining niadto sa dapit ug napalgan ang mga suspetsado.

Sakay sa motorsiklo ang tulo dihang nakabantay sila sa mga pulis. Gigukod sa kapulisan ang tulo hangtod naabot sila sa menteryo sa Daanlungsod.

Giingnan sila sa pulis nga dili molihok apan nibunot si de Leon og armas.

Usa ka miyembro sa kapulisan ang nakauna pagpabuto sa suspek diin nasakmitan og .357 nga revolver ug tulo ka pakete sa shabu.