Duterte di diay makigbuwag sa US

NAMAHAYAG si Presidente Rody Duterte niadtong Biyernes nga di diay siya makigbuwag sa Estados Unidos sa Amerika sukwahi sa iyang gisulti samtang nibisita siya didto sa China.

Matod pa niya, it’s in his country’s best interest to stay with America. Apan sige gihapon siya bira sa Amerika. Matod pa niya, sa iyang pagabot gikan sa China didto sa siyudad sa Davao, di gyud siya mobiyahe sa Amerika “in this lifetime,” samtang buhi pa siya. Sige na lang, karon nakahibawo na siya nga daghan kaayong mga Pinoy nga tua magpuyo sa Amerika. Sa pagkakaron wa pay mga Pinoy nga niingon nga adto sila mopuyo sa China. Moadto kag China nga duna may daghang pansit sa Pilipinas?

*** Dinhay panahon nga niadto ko sa Manila. Didto sa Cubao, duol sa Araneta Colinesum, dunay restaurant nga gitawag og “House of Pansit.” Dunay bam-i, pansit palabok, pansit malabon, lumi ug uban pang mga pansit.

Nangutana kos akong mga higala nga Insik kon duna bay pansit sa China. Sa akong katingala, niingon sila nga dinhi ra diay sa Pilipinas nga dunay pansit. Way pansit sa China. Kay Ininsik man, di pansit ang ngan sa ilang pansit.

Pero may maayo kon maki labi nag init. Kon pagkaon lang maoy estoyrahan, maayo ang China kay eskperto sa mga pagkaon. Kon kapin ka sa usa ka bilyon ka mga tawo, kaon ka tanan.

*** Dunay komedya sa akong amigong Insik nga didto sa China, kan-on ang tanan nga dunay upat ka tiil, gawas lang sa lamesa. Kan-on ang tanan nga naa sa dagat, gawas lang sa barko. Kan-on ang tanan nga molupad, gawas lang sa eroplano.

Kon kita makighigala sa China, unsa pa man ang atong gusto nga daghan na man kaayo ang atong mga Chinese restaurants?

Giila ang China nga usa ka dragon. Ang Pilipinas unsa man? Iring? Kuwang pa tang lutuon sa mga Insik.

*** Si Duterte, sa iyang dirkurso sa usa ka economic forum didto sa Beijing sa iyang state visit sa China, mideklarar sa iyang “separation from the United States ... both in military and economics also.”

Wa niya kini maesplikar pag-ayo kon unsay iyang buhaton. Apan sa iyang pag-abot didto sa Davao, niingon siya nga di diay siya makigbuwag sa Amerika kay daghan kaayong nga Pinoy didto.

“When you say severance of ties, you cut the diplomatic relations. I cannot do that. Why? It’s to the best interest of my country that we maintain that relationship,” matod pa ni Duterte.

Morag gigitik lang niya ang mga Insik.