Dakong nangita og dugang 2,400 ka mga kawani

DUGANG nga 2,400 nga empleyado ang gipangita karon sa usa sa labing dako nga pribado nga employer sa nasod, ang Convergys.

Mao kini ang gibutyag sa maong kompaniya atol sa YOUNIVERSE: Create, Celebrate niini sa Sugbo.

“Our extraordinary growth in Cebu over the last 12 years is due to our talented and dedicated employees who deliver excellent service for our clients’ customers. Cebu is a critical part of our Philippine operations, and we remain committed to continuing this growth and being an active partner in building our communities,” matod ni sa President for Asia-Pacific nga si Ivic Mueco.

Kasamtangan nga aduna’y walo ka sites ug 13,000 ka empleyado ang Convergys.

Matod sa Vice President for Operations niini nga si Jojo Reyes nga mapasalamaton sila sa mga Sugboanon tungod sa kalambuan nga gihatag niini sa ilang kompaniya.

“We are grateful for what we have achieved through the people of Cebu. We want to continue giving them the best opportunities by joining Convergys and growing in their careers; supporting global, top brands of every industry we support. Whether it is in telecommunications, technology, financial services, retail or healthcare – the choice is theirs.”

Atol sa YOUNIVERSE event niini sa Sugbo, gipailaila usab niini ang bagong ambassador nga si Alden Richards.

Giisip nga ang kalapusan sa maong sikat nga Pambansang Bae mao ang hiyas sa ilang kompaniya sa pagkabot pa sa mga tuyo niini sama sa paghatag og trabaho sa mga Sugboanon.

Ang usa ka adlaw nga aktibidad gilangkuban kini sa mga nagkadaiyang performace sa artista ug on-site hiring.