ANG BUNGO SA KAKA
KON adunay sabong sa manok, adunay say gitawag og bugno sa kaka.
Ang nakalahi sa duha ka matang sa paugnat sa kusog sa mananap kay bisan unsang adlaw mahimo ang manok apan uso-uso ang kaka. Apan unsa man ang spider fighting o
spider derby ug unsa ang mga nasod diin adunay bugno sa kaka?
Ang mga nasod diin nauso ang derby o paaway sa kaka gilangkuban sa Pilipinas, Japan, Singapore ug United States of America (USA).
Ang derby sa kaka dinhi sa nasod ug Japan sagad gilangkuban sa mga kaka nga babaye samtang sa Singapore pulos mga lalaki.
Uso ang kaka didto sa USA partikular sa prisohan sa Florida diin ang mga inmate isud og box sama sa ilang alaga diin niadtong tuig 2002, nag-away ang tulo ka piniriso gumikan sa pagkawala sa binuhi nga kaka nga niresulta sa grabeng pagkaangol sa ulo sa usa ka piniriso ug dugang kaso ang gisang-at sa laing duha.
Sa Pilipinas, ilabi na sa Visayan region partikular sa Hiligaynon (Ilongo) kini gitawag og “pahibag sang damang” ug “paaway o sabong sa kaka” alang sa mga Sugbuanon.
Sa dakbayan sa Sugbo, maestambay man o trabahante ug estudyante kasagaran adunay dala nga kaka aron isabong sa laing kaka ug sama sa manok adunay kwarta nga isugal.
Ang mga kaka sagad gisud sa sudlan a n pusporo apan ang uban himuan og iyang kauga nga sudlanan mag-away sa silhig tukog diin ang matag kaka pakamangon sa silhig ug magabot sa tunga diin sila mag-away.
Ang uban nga mapilde makuhaan sa ilang kasway, mapaakan ang lawas o maputos sa buhot.
LEGAL ISYU
Base sa pagtuon, ang pagpangita ug pagbaton og kaka nakadaot sa performance sa mga tinun-an sanglit ang mga dagko ug nindot nga kaka mahalin hangtod P100 nga maoy ganahan sa mga estudyante ug mogahin og dakong oras sa pagpangita og kaka.
Gawas sa mga bata nga magduwa og kaka, ang mga hamtong usab di magpalupig sanglit mopahigayon usab sila og spider derby diin ang sugal o parada moabot og tag P50,000 depende sa tagiya sa kaka.
Didto sa Negros Occidental partikular sa Bacolod gidili na ang pag-away sa kaka samtang dinhi sa dakbayan sa Sugbo wa pa matino kon aduna bay ordinansa.|