Pacman gidumog sa LA
GIDUMOG sa iyang mga fans didto sa Estados Unidos si eight-time division world champion Manny Pacquiao sa paghiabot niini didto sa Los Angeles.
Si Pacquiao miabot kagahapon didto sa Amerika aron didto ipahigayon ang iyang katapusang hut-ong sa ensayo alang sa ilang umaabot nga away batok ni world champion Jessie Vargas.
Ang duha mag-abot karong Nobiyembre 5 didto sa Thomas & Mack Center sa Las Vegas, Nevada.
Kini maoy unang higayon nga si Pacquiao moaway human sa iyang pagretiro sa sayong bahin ning tuiga. Mao usab kini unang higayon kasaysayan sa boxing nga ang usa ka senador moaway ibabaw sa ring.
Niadtong 2010 si Pacquiao miaway isip unang boksidor nga kongresista batok ni Antonio Margarito didto sa Dallas, Texas.
Sa laing bahin, masaligon si super bantamweight challenger Jessie Magdaleno nga iyang mapildi si WBO super bantamweight champion Nonito Donaire sa comain main event fight sa Pacquiao-Vargas card.
Kini maoy unang pinakadakong away ni Magdaleno sunod sa i- yang pagka WBO-NABO Youth super bantamweight champion pinaagi sa pagpukan ni Jonathan Arrellano niadtong 2012 sa Mirage Hotel & Casino in North Las Vegas, Nevada.
Si Magdaleno wa pay pildi sukad sa iyang pagka professional niadtong 2010 ug ning bag-o lang iyang gi knockout ang Pinoy fighter nga si Rey Perez.