Hulagway nahimong yawe sa nahitabo nga lugos sa bata

GIBILANGGO sud sa 17 ka tuig ang usa ka lalake human may mga hulagway kaniya nga nanglugos siya og bata nadiskubrehan sa bag iyang gidonar sa usa ka charity.

Si Gary Sovie, 49, mihatag og bag nga dunay mga sud nga ginamit nga butang usa ka shop nga nahimutang sa Columbus, Ohio.

Apan, dihang gisusi ang mga butang nga anaa sa sud nini, ang usa ka Salvation Army nga trabahante nakakita og 32 ka mga hulagway sa naghubo nga bata ug may lalake nga milugos niini.

Gituohan sa trabahante nga babaye nga ang bata anaa sa pangedaro nga 16 ngadto sa 18 ka buwan.

Ang hulagway nga nakuha pinaagi sa Polaroids, nga nadiskubrehan uban sa mga karaang mga resibo ug papel, gituohan nga niadto pa kining tuig 1999/

Niini, ang kapulisan nangita kang Sovie gamit ang address nga anaa sa dokumento nga anaa sud sa bag.

Matod sa Columbus Dispatch nga gikutlo sa Mirror News nga dihang gidakop ang suspek giingnan niya ang mga pulis nga “I am very sick person”.

Dihang gihusay iyang kaso sa Franlin County Common Pleas Court, si Sovie niangkon nga sad-an siya sa pagpanglugos ug nimolestiay diin naglambigit sa bata.

Ang misentensiya kaniyang mabilanggo sud sa 17 ka tuig, si Judge Julie Lynch namahayag nga ang krimen nga gihimo ni Sovie gihulagway niyang “the bottom of the barrel for a human being”.

“Right now, you live in the bottom of the barrel, but I bet that bottom is going to fall out for you shortly,” nagkanayon ang huwes.

Gipamulta siyag 35,000 dolyares ug giignan siya nga irehistro siya nga sex offender matag 90 ka adlaw sa tibuok niya ng kinabuhi sa higayon nga makagwas na siya sa prisohan.