Patay nga lawas may ham, kinatawo adunay lata
MOLUPYO sa Britanya napalgang patay apan sa misteryuso nga sirkumstansiya didto sa usa ka airport sa España diin may hiniwa nga ham nga gibutang sa iyang lubot ug ang iyang kinatawo gibutangan sa giablihan nga lata sa tuna, nagkanayon ang taho nga gikutlo sa Mirror News.
Si Steven Allford, 51, nadiskubrehan nga ang iyang mga kamot ug tiil gihiktan og plastic ug ang iyang karsones gihubo nga anaa sa lingkuranan duol sa terminal sa Malaga Airport.
Ang kapulisan nagsusi karon kon ang pagkaon nga anaa sa iyang lawas may koneksyon sa iyang kamatayon o wa kini kalabutan apan gihimo lang binuang.
Ang mga imbestigador naghuwat sa resulta sa post-mortem examination apan nagsuspetsa sila nga gituok kini.
Giestablisar karon sa kapulisan kon unsay iyang gihimo sa airport ug kon nabiyaan siya sa iyang flight paingon pauli o nakatug lang kini.
Nabantayan ang insidente sa usa ka security guard niadtong Biyernes sa buntag.
Ang mga nakugang nga turista mikuha og video dihang gikuha ang lawas ni Allford nga gibutang sa stretcher ug gidala sa kapulisan diin nangita og ideya kon unsay hinungdan nga pagpatay.
Ang kapulisan nagsusi usab sa unsay nakuha sa CCTV.
“There were no obvious signs of violence on his body but the position he was found in suggested foul play,” nagkanayon ang kapulisan.
Laing tinubdan nga ang mga imbestigador nagtuo nga hayan biktima siya sa “sex assault”.
Nailhan siya pinaagi sa mga dokumento nga diha ra usab duol sa iyang duol nga anaa sa bag.
Wa masayri kon di sa United Kingdom ang patay nga lalake nagpuyo.
Ang mikompirmar nga ang UK Foreign Office nasayod na niini.
Ang Malaga Airport maoy ikaupat nga labing dako nga aiport sa España ug nagsilbi sa 14 milyones ka mga pasahero matag tuig.