Babag sa obligasyon

Dear Papa Joe,

Tagoa lang ko sa ngalan nga Toper, 40 anyos, usa ka seaman. Sa pagka karon naa pa ko sa ato kay sunod buwan pa ko balik sakay. Ang akong suliran kay naa koy napaangkan sa una ug ako ang nasuporta sa among anak kay wa mi magkadayon kay naminyo ko aning akong asawa kay nabuntisan nako siya ug gi shotgun wedding mi o na corner.

Tulo na ang among anak pero lately lang maglalis mi kay nasuko na kaayo siya ngano sige ko og suporta sa bata nga minyo na man sab ang babaye. Bisan unsaon nako siya og pasabot nga obligasyon nako ang akong anak, dili siya mosugot. Lately lang, gipapili ko niya kon ang ako bang anak sa laing babaye o sila ba nga tulo kabuok.

Mao ni akong suliran karon kay di siya kasabot. Basin gatuo siya nga naa gihapon mi relasyon sa babaye nga minyo naman to. Ang ako lang kay para sa bata nga wala siyay masulti nako nga bati. Palihug tambagi ko. TOPER Toper,

Maayong adlaw nimo, Bay. Lisud gyod nga hatagan og sulbad ang imong problema kay sirado na ang utok sa imong asawa. Kon selos, basin maoy hinungdan. Kon moingon ko nimo nga pasabta, maorag gibuhat na man na nimo. Basin pangigi sab at the same time.

Kon lisod gyud nga matul-id kay naay malisya siguro sa iyang hunahuna, i- suggest nako mao nga makig- talk ka sa babaye ug iyang bana para walay hugaw nga huna-huna. Unya i- suggest nga magpa demand ka nila to support sa kid pinaagi og petition sa korte kay diha mismo di na makareklamo ang imong asawa kay balaod na nag demand nimo. Wa na gyud koy laing matambag pa. Mao ra na ug salamat.