2 ka Kapuso mall shows sa Sugbo giatngan karon
SAYO ang Christmas gift sa cast sa upcoming GMA Telebabad series nga “Meant to Be” kay mangabot sila sa Sugbo karong adlawa, Sabado, Dec. 3.
Ug dili lang usa, kundi duha ka Kapuso Mall shows ang ilang ipahigayon kauban ang Kapuso best actress and Drama Sweetheart Barbie Forteza ug co-stars niya sa serye nga silang Jak Roberto, Addy Raj, ug Ivan Dorschner.
Silang upat ang molingaw sa mga shoppers sa Gaisano Capital SRP sa Talisay, 4 p.m. aron usab i- promote ang bag-o nilang show.
Silang Barbie, Jak, Addy, ug Ivan modiretso dayon sa Gaisano Capital South sa dalan Colon alang sa lain pang Kapuso Mall Show at 6 p.m.
“We are inviting all our Kapusong Cebuano to join us in our back-to-back Kapuso Mall Shows this Saturday,” matod ni Oliver Amoroso, Officer-in-Charge sa GMA’s Regional TV Department.
Ang maong Kapuso light romance drama bituonan usab nilang Ken Chan, Kempee de Leon, Sef Cadayona ug ang reunited 90’s Triplets Manilyn Reynes, Sheryl Cruz, ug Tina Paner. Apil usab sa cast ang award-winning ug veteran actress Gloria Romero, child actor Zymic Jaranilla, ug Mika Dela Cruz.