Kaluha gipakasal aron way demalas
PARESAN sa tres anyos nga kaluha nga gitumbok nga “soulmates” sa milabayng kinabuhi nagpakasal aron mawagtang ang demalas.
Ang magsuon nga silang Teekatat ug Tawisa Hiranmekawanit gikasal pinaagi sa kinaraang seremonyas didto sa lalawigan sa Ang Thong, Central Thailand.
Ang mga ginikanan nagtuo nga mga bata manag-uyab sa milabay nilang kinabuhi apan nagkabuwag nunot sa trahedya.
Nabuhi sila pag balik isip kaluha ug gikinahanglan nga magminyo sila aron ipakita sa mga anghel nga sila nagkahigugmaay ug magpuyo hangtod sa kahangturan, matod sa inahan sa mga bata nga si Sasi Hiranmekawanit nga gikutlo sa Mirror News. ‘’They must get married otherwise one of them will die,’’ matod sa inahan.
Nitataw siya nga ang seremonyas sa kasal ilang gipahigayon kay sa ilang pagtuo nga sa karaang panahon ang lalake ug babaye nga kaluha mga “soulmates” apan di sila magdugay.
‘’They were reborn again in this life, they were reborn as boy and girl twins,’’ midugang si Sasi.
Silang Teekatat ug Tawisa pulos nag-edad og tres ug upat ka buwan.
Ang pangasaw-unon nagsul-ob sa tradisyunal nga Thai wedding dress nga may bulwan nga sarong diin may bulawang sash.
Samtang, ang pamanhunon nagsul-ob og puti nga senina, kolor bulawan nga shorts ug green nga sash.
Ang lalake mibayad guikan sa pamilya sa lalake ngadto sa iyang pangasaw-unon sa kantidad og mosobra sa P28,000 ug 30.5 gramos sa 23 karat nga bulawan.
Ang ilang mga silingan nikuyog sa kaluha ug mga ginikanan niini sa gihimo nga seremonyas didto sa Wiset Chain Charn district sa Ang Thong.
Gikalipay sa inahan sa mga bata nga gibatangan sila ilang mga silingan.
‘’As parents we must provide the wedding to let the angels know that the twins are happily in love and will be together forever. ‘It is an ancient belief to show the angels they are in love and will never stay apart,’’ padayag sa inahan
Bisan sa pormal nga seremonyas, ang mga bata di kaslon sa unsay nalatid sa balaod.
Pwede ra usab sila nga mangita sa ilang kaugalingon nga pares kon sila managko na.