Bitin gidakop, gipakatulog
USA ka yabag nga video ang nitumaw nga nagpakita sa usa ka lalake nga midakop og bitin gamit iyang kamot unya kining pakatulgon.
Ang video nga gitaho sa Mirror News nagpakita nga ang lalake miduol sa bitin nga pwerte kining isoga.
Apan pipila ka segundo, ang lalake simple nga nihikap sa ulo sa bitin ug gibanusan sa laing kamot dayon gialsa.
Dihang iya nang gialsa ang bitin pipila ka gutlo gibalik niya og butang sa yuta.
Iyang gihapuhap ang bitin sa daghang higayon hangtod nga nakatug kini.
Ning higayona, iyang gialsa pag-usab ang bitin ug gibaliktos sa iyang kamot unya gibutang sa bag dayon giablihan sa laing tawo kinsa kinsa nasaksi sa nahitabo.
Ang mga nakugang nga tawo makita sa esena diin nagtan-aw sa lalake sa iyang gibuhat una gikuha ang bitin nga diha sa ilang agianan.
Di klaro diin makuha ang video apan daghan nang nakakita niini gilantaw kini 50,000 ka higayon sud sa 10 ka oras.
Niadtong milabayng semana, adunay makahadlok nga video sa usa ka cobra nga nisalta gikan sa pansayan sa usa ka balay.
Ang bitin nagpuyo sa tubo sa kabalayan sa Pretoria East, habagatang Africa apan misukol kini dihang buot dakpon sa mga tawo.
Anaa sa video, ang snake catcher nga si Barry Greenshields nga makita nga midakop sa Cobra ug gikuha kini paggawas sa iniduro.