Lea Salonga midaug sa Aliw Awards

NIDAUG si Lea Salonga nga Entertainer of the Year sa 29th Annual Aliw Awards.

Ang maong coach sa The Voice of the Philippines ang nidaug usab sa Aliw Award for Best Major Concert (Foreign Venue).

Ang Broadway star personal nga nidawat sa trophy atol sa awarding ceremony sa Dusit Thani Hotel sa Makati City niadtong November 30.

Lakip sa nitambong sa maong awards night mao silang Joanna Ampil (nidaug sa Aliw Award for Best Actress-Musical), Gladys Reyes (Aliw Award for Best Female Host), RJ Ledesma (Aliw Award for Best Male Host), and Kitkat (Best Actress in a Featured Role for Dirty Old Musical).

Si Sebastian “Baste” Duterte, anak ni Presidente Rodrigo Duterte, ang nidaug nga Best New Male Artist Award.

Samtang si Demie Fresco, kinsa niapil niadto sa The Voice PH Season 2, ang napiling Aliw Award for Best New Female Artist.

Ang child performers nga silang Krystal Brimner ug Isabeli Araneta Elizalde ang Discoveries of the Year for the musical Annie.

Ang Bubble Gang boy group P.A.R.D. nidawat sa ilang unang award isip Best Crossover Performer sa group category.

Apan wala si Paolo Contis dihang gidawat nilang Antonio Aquitania, Boy II Quizon, RJ Padilla, ug Roadfill Sparks ang trophy.

Sa laing bahin, ang Lifetime Achievement Awards napunta nilang Shirley Halili Cruz, Anton Juan, Dante Balois, Len Ag Santos Siasoco ug Cris Nicolas.

Ang The Voice PH Season 1 grand winner Mitoy Yonting of The Draybers, Nonon Padilla, Dondi Ong, Camille Lopez Molina, ug Angelos ang gituboy sa Hall of Fame. (Pep.ph)