Mga konsehal bag-ohan og sakyanan

MOKABAT ngadto sa P9 milyones ang igahin sa kagamhanan sa dakbayan sa Mandaue alang sa pagpalit unya niini og mga sakyanan nga ihatag alang sa mga konsehal sa dakbayan.

Kini maoy gipaambit ni Mayor Luigi Quisumbing sa dihang nahinabi sa Superbalita Cebu ning bag-o lang.

Matod ni Quisumbing nga hatagan tanang mga konsehal sa Mandaue og sakyanan lakip na ang minorya nga kaatbang og partido sa mayor sa milabayng piniliay.

“Yeah. As a matter of fact, we get an extra one kay we thought that there will be an SK chairman this year. Whether you’re majority or minority. We’re here. At the end of the day, elected man gihapon sila,” ni Quisumbing sa dihang gipangutana kon makadawat og sakyanan tanang mga konsehal.

Nasuta ning mantalaan nga mokabat ngadto sa P900,000 ang igahin sa matag sakyanan nga paliton sa Mandaue.

Hinuon giklaro sa mayor nga ang pagpalit niini magkinahanglan og pagtugot gikan sa Department of Interior and Local Government (DILG).

Wa pa usab mahibawo si Quisumbing kon unsay model sa sakyanang paliton sanglit ibase man kini sa salary grade sa usa ka opisyal.

Gitataw ni Quisumbing nga may Crosswind nga sakyanan ang mga konsehal niadto ubos sa administrasyon ni kanhi Mayor Jonas Cortes nga gipalit niadtong 2011.

Apan di tanang mga konsehal ang nakadawat niini.

Sa dihang gipangutana ning mantalaan kon lakip ang iyang kaugalingon nga palitan og sakyanan, paambit sa mayor nga wa siyay labot.

“Wala. Lisod man gud kay it’s not easy ha? I come into work, I leave the house 6:30 in the morning. Then there are times nga maabtan kog night, and if I still use the city vehicle, then eventually, “red-plate out!” whatever. That’s why I use my own car para at least I have a personal nga lakaw ok ra,” ni Quisumbing sa