Gihimugso nga way kinatawo
BATA pa lang si Devan Merck gibugalbugalan na siya sa iyang mga klasmeyt ug sungogon nga siya usa ka lalake.
Siya gipanganak nga way kinatawo.
Nagedad pa lang siya og 12 dihang iyang nakaplagan nga wa siyay kinatawo.
Ang 23 anyos nga babaye nadiagnose nga dunay Mayer-Rokitansky-Kuster-Hauser syndrome nga nagpasabot nga way kanal sa babaye, abnormal ang uterus ug way matris.
Apan wa siya mawagtangi og paglaom tungod kay bagohay lang nadiskobrihan niini nga duna siyay tagoangkan.
Siya nanghinaot nga pinaagi niini makabaton siya og anak pinaagi sa surrogate.
Kini nagpasabot nga mahimo siya magsabak pinaagi sa itlog sa laing babaye.
Aron magpabilin nga normal ang iyang pagpuyo ug makahilawas sa iyang bana, gihimoan siya og kinatawo sa mga doktor gamit ang iyang kaugalingon nga panit gikan sa ubos nga bahin sa iyang lawas.
Si Trent, taga Georgia, USA, bana ni Devan, nanghinaot nga makabaton sila og mga anak pinaagi sa tabang sa surrogate.
“But since I met my husband my life has changed completely. We recently discovered I have both my ovaries and we are hoping to have a biological child of our own,” matod ni Devan nga gipagawas sa Mirror News.
Siya niasoy nga tanan niyang naagian nakapahimo niya nga ligon.
Si Gina Sims, inahan ni Devan, maoy nakakaplag sa espesiyalista nga doktor nga maoy nagtugan sa kondisyon sa iyang anak nga makaapekto og kausa sa matag 5,000 ka mga babaye.
Sa dihang nagpanuigon na og 13, gipaubos og operasyon si Devan ug gitangtang ang iyang matris.
Human sa tulo ka tuig, dihang 16anyos na si Devan gioperahan na usab siya diin gihimoan siya og kinatawo aron siya makahilawas.
Bisan kon siya nasakitan sa mga bugalbugal sa ubang mga tawo apan wa siya magpaapekto niini.
“The name calling hurt. It hurt my feelings a lot but I dealt with it. It definitely made me a stronger person. I didn’t judge, I just knew that they didn’t understand,” paambit ni Devan.