Danao, Talisay nag-una ning tuiga sa Regional Children’s Contest
ANG dakbayan sa Danao ug Talisay nidominar ning tuiga sa Regional Children’s Contest (RCC) ubos sa pagpasiugda sa Department of Social Welfare and Development (DSWD) Field Offce VII.
Ang RCC usa ka tinuig nga kalihokan sa DSWD-7 nga motapos sa Children’s Month Celebration niadtong Nobiyembre.Ning tuiga, ang kalihokan nagdala sa tema nga “Isulong: Kalidad na Edukasyon Para sa Lahat ng Bata!” isip tubag sa Sustainable Development Goal (SDG) No. 4, nga nagseguro sa inisyatiba ug kalidad sa edukasyon alang sa tanan.
Si DSWD-7 Regional Director Ma. Evelyn Macapobre nipasabot nga ang edukasyon maoy importanteng bahin sa pagtabang sa kabataan sa pagpalambo sa ilang talento alang sa nasod.
Si Macapobre niingon nga ang University of Southern Philippines Foundation nihatag og dugang kaniya diin siya nagtuon isip social worker.
“Our theme underscores the importance of education and it is here where I was nurtured to become a social worker I am today,” matod niya.
Samtang, si Macapobre nihatag og pasidungog atol sa seremonyas sa DSWD-7 di pa dugay.
Uban sa usa lang kasemana nga pagpangandam, ang Danao City day care children nag-una sa listahan sa dance competition pinaagi sa ilang “Bakya”nga gisayaw sa napulo ka mga bata gikan sa Barangay Maslog.
Ang grupo nigawas nga grand winner tali sa 11 ka mga partisipante.
Ubang mananaug mao ang Cebu City (2nd place) ug Mandaue City (3rd place).
Matod ni Eddie Almasin, ang choreographer, “We have represented Danao City during the regional search for three years now and I didn’t expect us to win. All I want was to see the children perform their routine well.”
Samtang, si Chez Ferdi Hunter Cabaluna sa Talisay City nidaug sa singing competition samtang si Karmel Rose Chiong sa Naga City ug Gerlyn Jane Lalem sa San Juan, Siquijor mao ang 2nd ug 3rd placer. Tanang wa modaug dunay ganti.