Mga regalo kon ikaw di maka-afford og awto
Sa pamilya, aduna gyuy bisan usa ka miyembro nga mahilig og sakyanan. Bisan dili nato kini mapalit ug mahatag kanila, adunay mas barato ug ma-afford sa budget nga mahimong iyang ikalipay. Aniay 10 ka labing maayong regalo alang karong Pasko:
1. Magnetic hood ornaments (P180-P545)
Ang hood ornaments usa sa dako og tabang alang sa byahe sa managhigugmaay. Adunay daghang magnetic hood ornament nga gibaligya sa merkado apan kon ganahan kag mamugnaon, mamahimo kang mopalit og weather-safe nga ibutang dayon papiliti og magnet.
2. Car care pack (P299-P509)
Kon adunay usa ka butang nga makapalipay sa usa ka car enthusiast mao ang malimpyohan kini og tarong. Kasagarang nahisakop sa care pack ang multi-purpose cleaner, limpyo sa ligid, car wax ug car polish.
3. Car-themed shirts (P250-P1,400)
Kon ang imong hinigugma mas ganahan nga magpundo sa garahe, kana siguradong ganahan siya og car-themed shirt. Ug kon ikaw nasayod sa iyang labing ganahang brand sa sakyanan, mas sayon ang pagpangita og nindot nga car shirt alang kaniya.
4. Universal cellphone car mount holder (P401 -P1,300)
Ang pagpangita sa telepono kon ikaw nag-drive lisod ug dilikado. Kining maong butang makatabang sa imong hinigugma o ba kaha sa imong driver alang sa luwas nga pagmaneho.
5. Scale model sa iyang paboritong awto (P799-P2,340)
Kon imong hinigugma ganahan og supercars sama sa Lamborghini, Ferrari o ba kaha Bugatti? Ang mini replica sa iyang paboritong sakyanan ang perpektong regalo. Pilia kanang adunay pinakaayong detalye ug iyang paboritong color. Dili na isyu kon dili siya makapalit sa originalang imong regalo siguradong makapalipay na kaniya.
6. Automatic tire inflator (P488-P1,732)
Usahay istorbo ang pagsige og hapit sa gas station kon kuwangan og hangin ang ligid, apan mas hasol kon manual ang gamiton pagpahangin. Hatagi ang imong hinigugma niining cordless tire inflator aron mas sayon alang kaniya ang pagpahangin sa ligid. Pangita og awtomatik nga mapawng kon maabot sa buot nga pounds per square inch.
7. Dashboard camera (P857-P4,171)
Gamit ining dashcam, maprotektahan na sa ang kaugalingon kontra sa mga kotong cops, scammers ug potential legal nightmares sa kalsada. Kon hilig siya sa scenic road trips, makatabang ang dashcam pagdokumento sa kaanindot sa palibot. Aduna usab dashcam nga adunay features sama sa motion detector, crash detector, ug awtomatikong on and off. Pilia kanang mas maaplay niya sa iyang estil osa panginabuhi.
8. Remote start system (P958-P5,957)
Ang maayong tag-iya og sakyanan kahibaw nga kinahanglan niyang painiton ang makina ug pag-ilis sa oil aron pagsigurado sa gidugayon niini. Kon imong hinigugma obsess niini, mamahimo mo siyang tabangan aron mas mapadali ang iyang gimbuhaton pinaagi paghatag kaniya og remote start system karong Pasko. Pinaagi pagpislit lang sa start button mapaandar na niya kini diin mamahimo pa siyang makabuhat laing buhaton taghuwat nga muinit ang makina.
9. Ray Ban sunglasses (P3,850-P8,500)
Usa kini sa maayong regalo sa mga blue road warrior. Mohatag kinig proteksyon sa sinag sa adlaw, busa mamahimo mo siyang ikonsiderar isip protective gear.
10. Car tool kit (P2,685-P32,794)
Ang pagpangompra og gamit sa sakyanan ug pagmatikmatik unsa ang angay paliton usa ka hagit. Imbis nga mopalit kag binagsa, mas maayo ang pagpalit og kompletong vehicle tool set aron pagsiguro nga kompleto ang gamit sa imong pinangga kon siya maabiriya dala ang sakyanan.