Unsay buhaton aron makadaginot sa date

ANG pag-date sa syudad o mahalong restaurant o lugar mogasto og dako. Ang pagpaimpress sa imong ka-date di kinahanglang mogasto og dako. Aniay pipila ka tips nga angay buhaton kon makig-date karong Pasko:

1. Food trip.

Ang manag-uyab nga ania sa syudad adunay daghang kapilian kon kamo mangaon. Pilia ang mga kan-anan nga adunay limpyo, barato ug lamian nga mga pagkaon.

2. Bisita og mga atraksyon.

Dad-a ang imong hinigugma sa lugar nga barato apan nindot ug hamugaway suruyan. Sama sa mga sikat nga lugar o tourist spot sa inyong siyudad nga adunay barato nga entrance fee nga makaya sa bulsa.

3. Suway og duwa og board games nga wala pa ninyo masulayi.

Buhii una inyong mga gadgets ug undangi usa ang pagduwa og gaming apps. Ang pagduwa og board games mas makaayo sa date activity, ilabi na kon anaa pa kamo sa giingong “getting-to-know-you-stage”. Kini old-fashioned, apan lingaw ug cute. Mahimo usab nga inyong kasabutan nga ang mapildi maoy manglibre. Ining paagiha, naka-save mo sa kwarta, lingaw pa.

5. Panganta mo.

Kining pagpanganta usa ka maayong kalingawan sa tanang okasyon, apil na niini ang date. Iandam ang imong paborito ug master nga kanta ug kinasing-kasing kining kantaha sa iyang atubangan.

6. Libreng salida.

Ang pagpanan-aw og salida sa sinehan daghang gastohan, naglakip ini ang ticket mokabat sa P200 pataas, popcorn, tubig ug uban pa. Imbis nga sa sinehan mo manan-aw, pangita og nindot nga salida nga mamahimo ninyong tan-awon nga libre. Mahimo kang mopalit og CD sa salidang gusto ninyong tanawon ug ipasalida sa balay. Niiining paagiha di na kinahanglang mogasto ka ug dako para sa usa lang ka salida sa inyong date. Hassle free na, save pa sa bulsa.