1 kilo shabu nasakmit; `drug lord’ napatay

GIINGONG usa sa mga drug lord sa dakbayan sa Sugbu namatay human giingong nisukol atol sa buy bust operation sa mga ahente sa Philippine Drug Enforcement Agency (PDEA) 7 niadtong Biyernes sa alas 5:55 sa hapon sa Villagonzalo ll, Barangay Tejero, dakbayan sa Sugbo.

Mokabat a usa ka kilo sa gituohang shabu nga balor og P5.5 million ang nasakmit.

Si Jesusimo Rafols Dequitos, 56, minyo, alias “Tetot,” gihulagway nga High Value Target (HVT) ug number no. 3 sa listahan sa mga durigista sa dakbayan sa Sugbo.

Siya dead-on-arrival (DOA) sa Cebu City Medical Center (CCMC).

Si PDEA 7 Director Yogi Filemon Ruiz nga nahinabi sa mga tigbalita nagkanayon nga taudtatud na nilang gi-monitor si Dequitos, kinsa magsulod gawas da prisuhan sa kasong illegal drugs.

Human nila nakompirmar nga nagpadayon kini sa ilang ilegal nga negusyo, nakigsabot sila niini samtang nga mopalit og P1.4 milyunes nga balor sa shabu samtang nag-angat ang Sinulog.

Mobalor og P1.4 milyunes ang kantidad nakabantay nga ahente sa PDEA7 ang gika-transact.

Si Dequitios nibunot sa iyang gidalang .38 kalibre nga revolver ug namusil sa mga operatiba.

Dihang gibaslan, naigo siya sa nagkadaiyang bahin sa lawas.

Nakuha sa mga operatiba ang dagkong putos sa shabu nga mitimbang tanan og kapin usa ka kilo kun 1,000 gramos.

Lakip sa nakuha ang boodle money nga gigamit sa buy bus ug .38 kalibreng revolver nga dunay lima ka mga bala.

Lakip sa na-rekuber ang .38 revolver, lima ka buhing mga bala, ug uban pa.

Ang supply sa ginadiling drugas nga nakuha ni Dequitos nagagikan sa grupo sa mga drug lord sa National Bilib Prisons.

Matod ni Ruiz nga si Dequitos usa sa mga drug lord sa dakbayan sa Sugbo kay makabaligya og usa ngadto sa duha ka kilo matag semana.

Ang anak ni Dequitos ila usab nga nasikop kaniadto ug naa sa bilanggoan.

Ilang nasayran nga 20 ka tuig nang nagnegusyo sa illegal drugs si Dequitos.

Ang area og distribution niini naglangkob sa Barangay Tejero, Lorega, Careta, Ponce, ug uban pa.

Lisod dakpon si Dequitos sanglit daghang mga spotter nga magbantay kaniya samtang di sab mobaligyag ginagmay kay ang pinakaminos nga transaction niini mokabat sa 300 gramos.

Si Dequitos leader sa ilang grupo, diin dunay daghang mga parok sa nagkada-iyang barangay sa dakbayan sa Sugbo, dugang ni Ruiz. GPL