Finalists sa Smart 13th SWEEP Awards gibuyag
NAPULOI ka teams sa mga tinun-an gikan sa unom ka mga tunghaan ang napuli nga finalists sa labing dako nga technology competition sa nasod, ang SWEEP (Smart Wireless Engineering Education Program) Innovation and Excellence Awards.
Ang upat ka teams gikan sa University of San Jose-Recoletos sa Cebu, duha ka teams gikan sa Batangas State University.
Nikompleto sa SWEEP Awards Top 10 mao ang grupo gikan sa Ateneo de Manila University, Ateneo de Zamboanga University, Nueva Ecija University of Science and Technology, ug Wesleyan University sa Nueva Ecija.
Ang teams nag-ilog sa P300,000 top prize sa final judging karong Pebrero 9. Ang tunghaan sa first placer makakuha og P150,000- grant.
Ang second placer makakuha og P200,000, samtang ang third placer makadawat og P100,000. ang ilang tagsatagsa ka tunghaan makadawat usab og kartugbang nga ganting salapi.
Ang Smart nakadawat og 230 ka applications gikan sa 52 ka mga tunghaan alang sa 13th SWEEP Awards, diin nagdala sa tema nga “Changing Lives Through Mobile and Digital Innovations.”
Ang mga proyekto nga nakaabot sa top 10 naglakip sa app nga nagkutay sa mga mag-uuma ug posible nga mamuhonan, traffic app alang sa katawhan sa multiple destinations, platform alang sa mapping agricultural landscapes, ug app sa pagkonektar sa blood donors ug mga tawo nga nanginahanglan og dugo.
Sa pagtabang sa finalists sa pagpalambo sa ilang proyekto sa dili pa ang pinal na paghukom, ang Smart nihatag kanila sa technical ug marketing mentors nga nipaambit kanila sa pagpalambo sa proyekto atol sa sisyon nga gipahigayon sa Asian Institute of Management.
Lakip sa mentors o magtutudlo mao sila si IdeaSpace Foundation executive director Diane Eustaquio ug startup founders, lakip sa SWEEP Awards alumnus Chino Atilano nga usa na karon ka CEO sa TimeFree Innovations.