Pacman subling gihagit sa ex-world champion
BISAN pa man og daw sa nakahan-ay na ang tanan alang sa umaabot nga away ni Filipino ring icon Manny Pacquiao, si Adrien Broner, ang kanhi world champion, mihagit sa eight-time world champion.
Si Broner nagtuo nga siya ang makapasaka og balik sa nagka-us-os nga pay-per-view attendance ni Pacquiao.
Kon kahinumdoman siya ang usa sa mga gilantawan nga makontra ni Pacquiao sa niaging tuig apan ang kampo ni Pacquiao nakadesider sa kauwahian nga si Jessie Vargas maoy ilang unahon.
Ang promoter ni Pacquiao nga si Bob Arum sa Top Rank Promotions gidak-an ra sa gipangayong premyo ni Broner hinungda nga iyang giwahing ang negusasyon ngadto ni Vargas.
“Broner was asking for crazy money that nobody can afford,” mao kini nakutlong pamahayag ni Arum niadtong Hulyo 2016.
Hinuon sa iyang pagpanghagit karon, wala mobungat og premyo si Broner gawas lang sa pasiatab nga mas maayo pa kini kay sa mga nangaging away ni Pacquiao.
“Most definitely, he needs me. What did his last numbers do?” ni Broner pa. “What did he get paid for his last fight?”
“But I’m not here to talk about anybody’s purse or their buys. I just know the status of me and a fight with Pacquiao. I know what it’d do. It’d do crazy numbers,” dugang ni Broner.
“And you know me – I’m a helluva self-promoter. I’m gonna talk.”
Ang 27 anyos nga Broner, kinsa sakop ni Floyd Mayweather Jr., nahimong inila tungod sa iyang style ug ingon man sa mga iskandalo gawas sa ring nga iyang nahimo ug ingon man sa iya usab nga abilidad.
Kausa ka higayon, nalakip siya sa pound-forpound lists, apan nius-os ang iyang kasikat human siya mapildi nila ni Marcos Maidana ug ingon man ni Shawn Porter.
Gikataho nga si Broner nangayo kaniadto og labing minus $ 4 million dollar apan iyang gipadayag nga kinahanglan nga mosaka pa kini tungod kay si Pacquiao maoy nagkinahanglan kaniya.