Inter-collegiate cagefest sa Bulacao

Mga duwa karon

7:00 pm- CITU batok UC 8:30 pm- UV batok USPF

MAGKOMBATI ang tanang pito ka miyembrong teams sa Cebu Schools Athletic Foundation Inc. (CESAFI) college division sa 2nd Barangay Captain Raul Cabanero Cup Inter-Collegiate basketball tournament nga sugdan karong gabii sa Bulacao Sports Complex sa Talisay City.

Mopakita dayon og aksyon ang defending champion University of the Visayas (UV) Green Lancers batok sa University of Southern Philippines Foundation (USPF) Panthers sa main game.

Sa premirong duwa, mag-abot ang Cebu Institute of Technology University (CITU) Wildcats batok University of Cebu (UC) Webmasters.

Ang ubang partipanteng teams apan wala pa’y eskdeyul nga duwa mao ang Southwestern University (SWU) Cobras, University of San Jose Recoletos (USJR) Jaguars ug University of San Carlos (USC) Warriors.

Nagkanayon ang usa sa mga nagpasiugda sa torneyo ug head of referees nga si Edwin Dejacto nga ang pagsalmot sa Cesafi teams aprubado ni Cesafi commissioner Felix Tiukinhoy Jr.

Modumala sa pagpadagan sa kompetisyon mao si Cesafi deputy commissioner Danny Duran.

Nahimong posible ang liga sa pagpaningkamot ni Brgy. Cpatain Raul Cabanero inabagan sa iyang mga konsehal nga sila si Banjo Abastillas, Darwin Cabanero ug Agnes Lastimosa ug Task Force Alpha.

Ang torneyo mosubay sa single round robin format alang sa elimination round.

Human niini, ang mopatigbabaw nga upat makaabante sa semi

Ang kampiyon makadawat og P50,000, makadala og P30,000 ang 2nd placer, P20,000 sa 3rd placer samtang P10,000 sa 4th placer.

Ang tulo nga manamilit og sayo makakuha og P5,000 matag usa.