Venus Raj ni-request diay og interpreter
NIANGKON sa unang higayon si Venus Raj nga ni- request siya og interpreter dihang niapil siya sa 59th Miss Universe pageant sa Las Vegas, Nevada, USA, niadtong August 2010.
“Prior to the competition, merong ipinadala sa aming form, pi-fill out mo siya, tapos lalagyan mo dun, ‘If you need an interpreter or not.’ And then I checked it out, inilagay ko dun, 'Yes, I need an interpreter,' because Miss Universe will provide for interpreter,” matod ni Venus sa interbyu sa News To Go sa GMA News TV.
Apan sa dili pa kuno aprobahan sa Miss Universe Organization ang iyang hangyo, kinahanglang moagi pa ni sa local franchise, ang Binibining Pilipinas Charities, Inc. (BPCI).
“I really wanted to have an interpreter, but I also had to submit to authorities, which is Binibining Pilipinas Organization. And they said, ‘No, you don’t need an interpreter, because the Philippines is actually known as Englishspeaking [country], so hindi mo kailangan.’”
Apan kon siya kunoy pabuton mas ganahan gyud siya og
interpreter aron mas matarong ang iyang pagpasabot.
Si Venus gibahaan niadto og saway tungod sa iyang tubag sa final question dihang nasud siya sa Top 5 ug dinhi iyang gipasikat ang linyang “major, major.”
Apan mao tong higayona nga nidaug og balik ang Pilipinas sa Miss Universe human sa 11 katuig nga way daugdaug. Si Venus nalandig sa 4th runnerup. Sukad niadto pirme na makasud sa Top 5 ang mga kandidata sa Pilipinas, hangtod nga nakuha ni Pia Wurtzbach ang korona niadtong 2015.