Mipuyo sa payag kay allergic sa WiFi
GIBIYAAN sa usa ka therapist ang iyang trabaho ug balay unya nipuyo og payag dihang nigrabe ang pagkurog sa iyang lawas, nanglibagha ang panit, ug maglabad ang ulog nunot kay allergic siya sa WiFi.
Si Rachel Hinks nangangkon nga nahiagom siya sa sakit nga electromagnetic hypersensitivity diin ang electromagnetic fields nga gikan sa gipagawa sa mga signal sa WiFi ngadto sa mga internet hub ug phone masts.
Aron makaeskapo sa signal, ang 43 anyos nga si Hinks, kinsa nahiagom usab sa sakit nga lupus, napugos sa pag-estar sa payag nga haduol sa garden diin layo sa makadaot nga signal.
Matag adlaw modrive siya pauli sa ilang balay aron mapakaon ang iyang iring ug dad-on sa gawas aron makakuyog niya diin na- expose siya sa signals hinungdan nga mosamot ang kabati iyang pamati.
“At first I had mild symptoms, I noticed when I switched to a cordless phone my ear would burn after about ten minutes, and when I tried to use my laptop using WiFi I became very fatigued so I resorted back to using a wired up connection,” matod ni Hinks nga gikutlo sa Mirror News.
Ang electromagnetic hypersensitivity wa pa siya marekognisar nga sakit ug ang World Health Organization nagkanayon nga wa pay “scientific basis” aron idugtong ang mga sintomas ni Rachel nga gibuga sa electromagnetic fields.
Nagsugod nga naglain iyang lawas niadtong Disyembre 2015 dihang nibalhin siya sa cordless phone nga niresulta nga nanginit iyang dunggan sud sa 10 ka minutos ug niadto nagsugod nga mokurog siya, ug misakit ang iyang ulo.
Sa higayon nga magsocialize siya mohangyo siya sa iyang mga higala nga pagngon ang ilang mga mobile phone kay mahadlok siya nga mokurog ang iyang lawas.
“What if I’m one of the first to suffer from these symptoms because of my weak immune system, but in a couple hundred years who knows how much more advanced technology will be and how many more people will be suffering as a result of it?,” matod ni Rachel, kinsa dalaga, nga gikan sa Chichester, West Sussex.
Nag-awha siya karon sa mga tawo nga ning iyang kondisyon sabton siya ug suportahan aron sayon nalang unya pagdiagnos kanila.