Miawas ang sapa

MIRESULTA og pagbaha ang kusog nga uwan niadtong Lunes sa dakbayan sa Dumaguete ug nagkadaiyang parte sa lalawigan sa Negros Oriental hinungdan nga ang mga awtoridad mipakatap og rescue teams samtang ang mga residente nagmabinantayon sa pagtaas sa tubig.

Ang Banica River ug Okoy River misaka ang tubig niini ug nakahatag hulga hinungdan nga ang mga residente nga anaa nagpuyo daplin sa sapa nangitag luwas nga lugar samtang ang uban nagpabilin lang apan nagbantay sa pagsaka sa tubig.

Ang Okoy River nga gitawag og “killer river” nunot sa kasaysayan niini nga daghan nang namatay atol sa baha o kaha ang dike naguba samtang ang mga kahoy nga nangaputol nga gikataho sa ubang dapit.

Ang mga ubang mga residente nga naabtan diha sa tungang bahin sa nagsaka nga tubig sa Okoy River gi- rescue.

Si Antonio Dales sa Purok Atis, Balugo, Dumaguete City nanawag og tabang dihang ang tubig misud sa ubos nga bahin sa iyang balay.

Si Mayor Felipe Antonio Remollo uban sa Rescue 348 team sa dakbayan ug ubang opsiyal personal nga nitabang sa sitwasyon ni Dales nahulga ang iyang balay sa baha.