Lalake gilugos sa menor de edad nga babaye, 17
NABILANGGO ang usa ka menor de edad nga babaye human napasanginlan nga nanglugos sa usa ka 19 anyos nga lalaki didto sa Saginaw Township, siyudad sa Michigan niadtong Enero 11, 2017.
Ang kapulisan miila sa suspek nga si Lestina Marie Smith, 17, nga taga Michigan.
Samtang ang 19 anyos nga biktima gipugngan lang ang pangalan niini. Segun sa pamahayag sa kapulisan nga giingong nanglugos ang suspek nga makig- oral sex ug vaginal sex sa biktima ug giingon nga nanion pa kini og kutsilyo sa biktima.
Ang Mirror News nitaho nga gikatakda karong Pebrero 3 ang hearing sa korte ni Smith.
Giingon nga bisan pa sa menor nga edad ni Smith mapasakaan gihapon siya og kaso sa balaod sa Estados Unidos tungod sa iyang kalapasan nga nahimo. Sa social media, ang mga higala ug pamilya lakip na niini ang igsuon ni Smith nagkatigom aron sa pagsuporta kaniya ug nag- post og mga mensahe sa iyang Facebook acccount.
Kasamtangan karon nga natanggong sa Saginaw County jail sa Michigan ug giingon nga mabilanggo kini sa tibuok niyang kinabuhi kon mapamatud-an sa korte nga sad-an siya sa pasangil.