Scuba diver nagkasuod sa iho

ADUNAY scuba diver na makigduwa sa hingamigong iho.

Si Rick Anderson, usa ka Australian diving instructor, makadaghan na mosawom sa Sydney’s Port Jackson aron malinggaw sa iyang oras sa iyang higala sa ilawom sa tubig.

Nalipay ang iho nunot sa regular na pagbisita ni Anderson samtang nisip-og ang iho sa bukton ni Anderson.

“She will swim up to me when I’m going past, and tap me on the legs until I hold my arms out for her to lay on for a cuddle,” matod ni Anderson nga gikutlo sa taho sa Mirror News.

Pito na ka tuig ang nilabay na gisugdan ni Anderson nga makipagduwa sa iho samtang masususo pa ang iho nga adunay gitas-on na unom ka pulgada.

Gakson ug estoryaan pud ni Anderson ang batang iho.

(MIRROR NEWS) MANAGHIGALA. Kanunay nga malipay ang iho sa higayon nga bisitahon siya ilawom sa dagat sa scuba diver nga si Rick Anderson diin maoy hinungdan nga nagkasuod sila.