`Lambada’ singer napalgang napa-ig
DILI na mahitsura ang lawas sa singer niadtong 1989 Latin pop hit “La Lambada” nga si Loalwa Braz, 63, kinsa napalgan sud sa iyang sakyanan nga maayong pakasunog..
Sa 3:40 sa kadlawon niadtong Huwebes mirespondi ang kabomberohan sa Saquarema, Rio de Janeiro diin nagpuyo ang singer.
Base sa inisyal nga inpormasyon adunay duha ka mga lalake nga nanagan palayo nga gikan sa balay sa singer samtang nagkapuliki ang mga bombero sa pagpawong sa kayo.
Nakurat lang ang firefighters nga adunay tawo sud sa nagdila-ab nga sakyanan.
Wa pa matino kon disgrasya o gipatay si Braz kanhi lead singer sa French band nga ‘Kaoma’.
Si Braz mipasikat sa awit nga ‘La Lambada’ nga nakainpluwensiya sa ubang singers sama ni Jennifer Lopez nga migamit sa maong awit sa iyang 2010 hit nga ‘On The Floor’ ingon man ang kanhi all female group nga ‘Spice Girls’ diin gihisgutan ang Lambada sa ilang 1998 single nga ‘Spice Up Your Life. Daily Mail UK