LAMBIGIT
ERNESTO D. LARIOSA San Fernando, Cebu
Giandam na natong duha ang tanan: Hubong lawas nga gihabulan sa hangin
sa kahinam Pahiyom nga namurda sa mga ngabil Basiyong mga mata naghuwat sa
katagbawan. Ambot, maabot ba kaha ang bungtod
nga nagdilaab? Kaduol apan kalayo nga kab-uton ning
bukton Nakasabot ka sa akong kalit pagbangon Kay miagunto ka sa kahimangod nga di
na nako Mabuhat na sad ang pagpanubid sa himaya Kinsang sala sa kinaiyahan o ang dagat sa
panahon? Aron di na ka mahiubos mobaklay lang
gihapon Tang duha sa namad-ang dalan padulong
didto Hinol-hinol sa daw-dangog-dangog nga
mga sagbot Himadlan lang ang ngilit sa nag-umidong
bituon Kayha, masunog pa ta sa kalayo sa bungtod Kay mabikwang pang tuhod ug tiil sa
pagsaka Ning di-kalutsag hangin nga panaglambigit Bisag nangataltag nang mga buhok sa kabatan-on!