Way uyab

Dear Noy Kulas,

Tagoa lang ko sa ngan nga Ites, 32 anyos ug usa ka empleyado sa usa ka dakong kompaniya. Sama sa ubang mga babaye, nakaagi na ko og uyab-uyab. Apan human sa college, ambot nganong wa na ko ganahi og relationship. Bisan ang akong parents ug mga igsuon magsige og pangutana kon wa bay nasaag nga lalake. Igo ra ko mokatawa, Noy, kay sa tinuod, naay mga nanguyab nako pero wa koy gisugot.

Katapusan nga nakauyab ko dihang 20 years old pa ko. Human ato, di na ko ganahan og relasyon kay wa pay gubot ug magbuot sa akong kinabuhi. Noy, normal kaha ning akong feeling? Unsay imong tan-aw, ngano kaha ni?

ITES

Ites,

Daghan sab ang mga tawo nga sama nimo, mas ganahan nga way kabilingggan. Ganahan sila kay way magbuot sa ilang mga pagabuhaton. Way mangutana kon asa sila ug unsay ilang gibuhat. Way magselos kon makigkuyog sila sa ilang mga higala. Way selosan ug di mahadlok nga masakitan sa gugma. Basin usa ka nianing mga tawhana nga mas ganahan og libre nga kinabuhi, wa mahigot sa bisan unsa nga relasyon. Kaanindot sa kinabuhi nga ingon niana.

Natural ra baya na. Naa koy suod nga mga higala nga until now, nagpabilin sila nga mga single ug way karelasyon kay ang tanan ilang giguol sa career ug negusyo. Tinuod, naay mangutana kon tomboy ba sila ug bayot. Moingon ra sab ko nga ganahan sila og free nga kinabuhi, wa mahigot sa bisan unsa nga relasyon. Kon happy ka, di kana problema.

NOY KULAS