Carmen mohimo sa ilang bersyon sa Sinulog festival

MOPAHIGAYON og Sinulog festival ang lungsod sa Carmen, lalawigan sa Sugbo ugmang adlawa.

Gipaabot nga mosalmot ang mga ningdaug sa Sinulog festival sa siyudad sa Sugbo.

Si Manny Gumban, tourism officer sa lungsod, nagkanayon nga moabot og kapin sa P1 million ang gigahin sa lokal nga kagamhanan isip premyo sa mga mananaug.

Dugang niya nga mas daghan ang mosalmot karong tuiga kon itande sa milabayng tuig.

Gipaabot nga adunay walo ka contingent gikan sa lungsod.

Adunay pito ka mga contingent nga miapil sa Sinulog 2017 nga mosalmot usab.

Gitataw usab ni Gumban nga lahi ang mo judge sa local contingent ug lahi usab ang mo judge sa miapil sa milabayng Sinulog sa siyudad sa Sugbo.

Ang parada makaapiktar sa dagan sa trapiko atubangan sa munisipyo lamang kay ang kinatibuk an nga sayaw himuon luyo niini.

Minos ra ang mga sakyanan nga moagi kay gawas na kini sa national highway.