Ryan G Snack Shack padayon way pildi

PADAYON nga wala giha pon makatilaw og kapildihan ang Ryan G Snack Shack sulod sa upat ka duwa human sila makaip sot batok sa BDS Law Firm, 10598, niadtong Huwebes, sa F. Llamas Youth Association (FYA) Christmas League basketball tournament sa sitio Manggahan open sa barangay Punta Princesa, dakbayan sa Sugbo.

Sa laing duwa, gipahamtangan sa Trangia Sports sa ilang ikaupat nga sagunson nga kapildehan ang Micaela, 131-114.

Nagkumboya og 45 puntos silang Donddon Cadungog ug Milfred Sampelo sa ilang 23 ug 22 puntos matag usa aron pangulohan ang Ryan G Snack Shack kinsa aduna karo’y 40 ug maoy bugtong team nga wala pa mapilde sa maong torneyo.

Sa laing bahin, misamot kadako ang winning margin sa Trangia Sportswear (22) tungod kay daghang wala makaduwa alang sa Micaela ni team owner Noel Medalle hinungdan nga nadugangan kini’g 20 puntos. Puntos matag usa: Unang duwa: Ryan G Snack Shack (105) Cadungog 23, Sampelo 22, Abella 11, Ursal 11, Arreglo 8, Lavandero 6, Sabalande 5, Gillangao 4. BDS Law Firm (98) B. Medalle 25, Lastomen 18, Taray 14, Dacayana 9. Marata 8, Parba 7, Cal 7, Arreglo 4, Garcia 3. Ikaduhang duwa: Trangian Sports Wear (131) Sydiongco 25, Reubal 21, Macachor 17, Trangia 12, Encarguez 12, Caballero 8, Auditor 8, Martinez 6, Cadungog 2. Micaela (114) N. Medalle 44, Rabadon 42, Cabañez 10, Labrador 7, Dela Cerna 6, Canceko 5.