Floyd Jr. mosaksi sa inugrasyon ni Trump

MINNEAPOLIS - Ang kanhi Pound-for-pound king ug undefeated retired boxer nga si Floyd “Money” Mayweather Jr maoy usa sa mga sports figures nga motambang sa inauguration ni Presidentelect Donald Trump.

Karong udto sa Biyernes (Sabado sa kadlawon oras sa Pilipinas) pormal nga manumpa ug mohatag sa iyang unang mensahe ang ika45 nga napiling Presidente sa Amerika nga si Trump.

Si Trump surprise nga mipildi sa abogada, kanhi Senador ug kanhi First Lady Hillary Clinton sa pinilliay niadtong Nobyembre 8 sa niaging tuig.

Apan daghan ang nagduda ilabi na ang mga boxing fans sa US nga posiblingug may plano si Mayweather pagsulod sa politika sama ni boxing legend Senator Manny “Pacman” Pacquiao.

Hinuon atol sa interview sa TMZ sports kang Mayweather wala siyay gibuhian nga pulong kalabot niini. “Y’all going to see me in D. C., looking good I got my tux (tuxedo) and everything is ready. Barack Obama was a good president, hopefully, Donald Trump is a good President,” yagyag ni Mayweather.

Samtang tagiya sa National Football League Dallas Cowboys nga si Jerry Jones ug ang long time Quarter Back Tony Romo gikataho sab nga motambong sa kalihukan.

Ubang mga atleta nga loyalists ni Trump naglangkob nila ni retired NBA rebound king Dennis Rodman, former undisputed boxing champion Mike Tyson, kanhi wrestler ug kanhi Minnesota Governor Jesse Ventura.