`My Dear Heart’ ugma na
BAG-ONG childstar nga si “Nayomi” ang ilusad sa bag-ong Kapamilya teleserye nga sugdan ugma sa primetime bida isip hulip sa natapos nga “Till I Met You” nilang Nadine Lustre ug James Reid.
“My Dear Heart” gikan sa Dreamscape ug sa direksyon ni Jojo Saguin. Sa unang higayon magpartner dinhi si Zanjoe Marudo ug Bela Padilla. Makauban usab nila silang Loisa Andallo, Rio Locsin, Joey Marquez, Coney Reyes ug ang bag-ong kapamilya childstar Nayomi Ramos.
Gikan ni Zaijan Jaranilla sa “May bukas pa”, Xyriel Manabat sa “100 days to heaven”, Mutya Orquia sa “Mutya”, Raikko Mateo sa “Honesto”, Marco Masa sa “Nathaniel” ug Jana Agoncillo sa “Dream dad”.
Karon si Nayomi Ramos na usab ang mopahilak ug mopakatawa nato matag gabii. Lain na usab kini nga bata nga mopatibi sa atong kasing-kasing, usa ka pampamilya nga serye nga puno sa drama, pagtulon-an ug paglaum. Ay’g saba!
Nahimong malampuson ug puno sa mga gimik, stunt, komedya ug ngilngig nga mga dance step ug choreography ang among event nga “Dance Explosion” sa Crown Regency Fuente.
Nindot ug bongga ang presentasyon sa matag grupo ug kudos sa mga emcee nga silang Irekca dela Torre ug Dj Vince sa Oomph radio 105.1. Sa pakig-indigay sa sayaw nag- showdown ang mga numero unong dance group sa Sugbo.
Way pagkakupas ug puno sa enerhiya ang mga grupong Intense Gravity, OMG, Next Up Family; New Cycle, Beat Buckz, Type One, Clap Ur Hands, Identity Crew ug Mocha Geng.
Migawas nga mananaug ug wa magpalupig ang OMG, New Cycle ug Type One, dako ug bug-at ang nahimong papel sa atong mga hurado silang Mr. Stephen, Jake Cañeda ug uban pa.
Congrats sa tanang staff Annesa, Marlex, Shiela ug sa direktor Savier Palanca . Dakong pasalamat usab sa Crown Regency Fuente ug sa maayong pag- entertain sab kanamo ni Ms. Mae M. Villamor (Mar comm Associate) .... ay’g saba!
Malipayong pagsaulog sa adlawng natawhan sa unico iho ni Kuya ug Mary Jean, ang bibo ug guapong bata “Joje Gatchalian Valmores” hapi bertday Joje gikan nilang lolo Andres, lola Ping-ping, tito Lito ug kanamong tanan nga nagmahal kanimo.... ay’g saba!