Pag-andam sa panahon sa kalamidad

BISAN kanus-a posibleng moabot ang lain-laing klase sa kalamidad. Mga lainlaing kalamidad ang atong nasinati sa atong palibot sama sa baha, landslide, linog ug buhawi.

Adunay mga impormasyon nga gikatap gikan sa gobyerno mahitungod sa pagandam kon adunay mga kalamidad nga moabot. Ania ang pipila ka mga paagi ug mga angay buhaton.

EMERGENCY KIT

Walay makahibalo kon unsay mahitabo sa ing-ani nga kalamidad busa kita angay mag-andam, ang mahinungdanon mga gamit sama sa tubig, kuryente ug telepono/selpon adunay posibilidad nga maputol ang serbisyo. Kon ugaling walay moabot o madugay og abot ang mga moresponde. Dapat aduna kay kanunay bitbit na emergency

disaster kit. Ania ang pipila ka basic kits na kinahanglan iandam:

TUBIG

Mag-andam og tag-usa ka gallon nga tubig kada tawo sa panimalay. Magandam og tubig mainom ug tubig alang sa mga pagkaon nga lutoon.

Pilia ang mga butang nga gagmay, gaan, dili dali maguba ug dili kinahanglan ibutang og refrigerator. Sa pagkaon pilia ang ready to eat na sama sa de lata, prutas, gulay, juice naa sa lata, spices sama sa asin, asukal, paminta ug uban pa, high energy food, bitamina, pagkaon sa bata ug uban pang pagkaon nga kinahanglanon.

FIRT AID KIT

Kada panimalay kinahanglan adunay giandam nga first aid kit. Ang first aid kit kay mga tambal nga importante kaayo hilabi na kon adunay masamad o masakit sama sa hilanat, kalibanga, pagsukasuka, ug pagkahilo. Mag-andam sab gamit og pang emergency o habol, jacket, kalo ug sleeping bag.

TOOLS AND EMERGENCY SUPPLIES

Mga gamit pang emergency sama sa habol, jacket, kalo ug sleeping bag. Dili angay kalimtan ang magdala og kwarta o traveler’s check ug sinsiyo. Magbutang sab og mga gamit pang kusina sama sa can opener, kutsilyo, disposable cups, plato, kutsara/tinidor ug uban pa. Ayaw kalimti ang toilet paper, sabon, feminine products ug uban pang personal hygiene. Pagdala sab og battery-operated radio ug siguraduha aduna kini extra battery.

SPECIAL ITEMS FOR MEDICAL CONDITIONS

Alang sa mga gagmay nga bata iandam ang mga importanteng gamit nga kinahanglanon sama sa gatas, diaper, feeding bottles, bitamina ug tambal.

Angay andam kita kanunay aron kon adunay mga kalamidad nga moabot dili na kita mabalaka sa atong mga kinahanglanon.