Gin Kings, Fuel Masters magsangka

Mga duwa karon 4:30 pm- Alaska batok Mahindra 6:45 pm- Ginebra batok Phoenix

PAAMAGON og suway sa Brgy. Ginebra Gin Kings ug Phoenix Fuel Masters ang ilang poruhan nga makailog sa nahabiling twice-to-beat nga bintaha sa nagkaduol nga quarterround sa ilang panagsangka sa main game karong gabii sa Philippine Basketball Association (PBA) Philippine Cup sa Philsports Arena.

Ang mopatigbabaw nga duha human sa single-round robin mao ang makapanag-iya og twice-to-beat nga bintaha sa quarter-final round.

Sa kasamtangan, ang Gin Kings ug Fuel Masters nahilambigit sa fourteam tie sa 5-4 nga rekord kauban ang Rain or Shine Elasto Painters ug Talk N’ Text KaTropa.

Ang modaog ning sangkaa makabaton og hayaghayag nga paglaom nga makakuha sa ikaduha ug katapusang twice-to-beat nga bintaha sa sunod round.

Ang defending champion San Miguel Beermen, nga nagsolo sa liderato, maoy unang nakaangkon og twice-to-beat nga binataha samtang naa sa ikaduhang dapit ang GlobalPort Batang Pier.

Sa presstime, ang Beermen (81) padayon pang nakigsangka sa Batang Pier (5-3) kagabii sa usa ka out-of-town game Lapulapu City.

Sa premirong duwa, ang Alaska Aces makigbatok sa nagsalimoang nga Mahindra Flood Busters.

Ang Aces, nga adunay 4-4 nga rekord, aduna pa’y poruhan nga makaapas sa inilugay og twicetonga bintaha hilabi na kon modaog sila batok sa Floodbusters.

Ang Floodbusters adunay 2-6 nga rekord ug grabe ang ilang panginahanglanon aron makakumpayot pa sa sunod nga round ug makalikay sa sayong panamilit.

Human sa single-round elims, ang mangiwit nga upat mao ang manamilit.

ESL

sa Hoops Dome sa