Duwa nga makalingaw, exercise pa?

TINUOD ang panultihon nga health is wealth tungod kay ang maayong panglawas mao ang atong bugtong puhonan aron makab-ot ang mga pangandoy sa kinabuhi. Daghan na nga mga tawo nga nagtumar sa nagkalain-laing food supplements aron mamintinar ang kahimsug sa lawas inubanan sa saktong pag-ehersisyo. Apan dili kalikayan usahay nga tapulan usab kita ug pul-an sa atong adlaw-adlaw nga pagehersisyo sama sa pag-adto sa gym. Ang pagbaton sa maayong panglawas mao ang usa sa pinaka importante nga parte sa kinabuhi sa tawo. Aron di maka batyag og kapuol, adunay maayo nga mga duwa nga makahatag og maayong benipisyo sa lawas. Kon anad na ang lawas nga mag sige og dula makahimo kini nga kanunay abtik ug di dali nga magluya. Mao kini ang mga dula:

1. Football

Makatabang usab ang football sa pagpalig-on sa lawas ug makapadugang sa mga muscles ilabi na sa paa tungod kay ma- exercise man kanunay ang paa. Maayo usab kini sa lawas tungod kay gawas nga makalingaw, sama ra usab nga nag- exercise ang tawo.

2. Badminton

Sama sa footbal, makahimsog ang badminton tungod kay ma- exercise usab ang mga muscles sa lawas sa tawo ug makahatag og maayong epekto sa lawas. Makatabang kini pagpagahi usab ug nindot nga porma sa lawas.

3. Racing

Ang paglumba-anay og dagan makatabang usab sa lawas sa tawo ug makapalig-on sa kabukogan ug makapataas sa hangin ug kon anad na, dili daling kapuyon ang tawo. Makahatag usab kini og nindot nga porma sa lawas. Makapaminos usab kini sa tambok sa tawo ilabi na sa tiyan.

Adunay usa’y mga duwa nga maayo motabang sa utok sa tawo para mas mo- function kini pagtarong sama sa chess, cards, casino, video games, blocks, mathematic games, statistic games ug daghan pa nga makapa-alerto kanunay ug makapa- bright sa utok sa tawo.

Gikinahanglan sa lawas sa tawo ang himsog nga panglawas ug maayong panghuna-huna para magmalipayon kanunay sa pagpuyo. Niño B. Baldevino, USJ-R B.A. Communication Intern/ www.healthrecoverytips.