Angeline Quinto nabuang sa gugma
NASAYUD ko nga naka- set na ang tanan ug nag-atang nas telebisyon sa "Miss Universe". Naghulat ug naghinam-hinam na kon kinsay mahimong makoronahan ugma sa buntag.
Tagsa-tagsa kanato may paborito apan ayaw sipyata ang pagsuporta sa atong representante Miss Philippines. Makuha kaha niya pagbalik ang korona? Basta Maxine Medina go lang nang go. Ay'g saba!
Samtang layo pa ang Valentines day maglingaw ug ma- inlove una ta sa pelikulang "Foolish Love" nga salida na karon sa mga sinehan.
Angeline Quinto, Jake Cuenca, Jason Gainza, Cai Cortez, Jerald Napoles, Beverly Salviejo ug ang love team nga "tomiho" Tommy Esguerra ug Miho Nishida sila ang mag-uban sa pinaka- riot nga romantic-comedy.
Ang Angeline Quinto gawas sa iyang singing career blooming ug in demand sab kini sa pelikula. Paborito siyang kuhaon sa mga producers labi nag komedi ang tema. Dinhi sa maong movie si Angeline sa unang higayon magpaka- daring. Sa eksena nilang Jake Cuenca, keber ug all out ang pag-arte sa aktres sa ilang steamy hot scene.
Makabuang ug magpakabuang sa ngalan sa gugma ang tema sa pelikula. Si Angeline bisag dugay nang natapos ang ilang relasyon gihimo gihapon kini niyang inspirasyon sa pagkanta.
Ang Jake Cuenca nakarelate usab sa eksena nga nagpasingulan kay nahitabo sab kini niya. May uyab kini kanhi apan wala siya ma-uyoni sa ginikanan sa babaye. Nagpaabot, nabasa sa ulan ug nagpakilooy apan walay epekto ang iyang gibuhat.
Gikan sa Regal Entertainment ang " Foolish love" sa direksyon ni Joel Lamangan nga miangkon nga sobrang naagian sab kini niya. Ay'g saba!
Malipayong pagsa-ulog sa ika-100 ka tuig nga selebrasyon sa fiesta sa patron Senyor Santo Niño diha sa Brgy. Luyang, Carmen Cebu karong adlawa. Ang akong higala ug klasmeyt sa elementarya sa Colegio del Santo Niño nga si Mrs. Eunice Oloroso Talisay (Exe-com sa fiesta) ang chairwoman sa "Miss Luyang 2017" usa sa mga highlight sa pista.
Malampuson ang tanan nilang kalingawan sama sa "Dance kontes" may bersyon sab sila sa "Voice kids finals" ug ang Queen Luyang (battle of Queens), may tribal night pa sa bisperas ug karong gabii dakong Disco uban sa MOR Dj Spider Kaka. Adunay fluvial parade, reenactment ug menyo's night ugma. Hapi fiesta sa mga tagaBrgy. Luyang Carmen Cebu labi na sa banay nilang Eunice O. Talisay.. ay'g saba! Hapi bertday Cecil Cañete Dosdos ug sa gikamingawan nakong Anching "tita ching" Jurado nga maoy unang nakadeskober sa akong talento sa radyo Dycb niadto. Hapi bertday ug daghan kaayong salamat. Ay'g saba!