Unsaon pag-atiman ang mga ngipon
Importante ang saktong pag-atiman sa ngipon ug lagos kay kon anaron ang kaugalingon ini, humot ang ginhawaan, malikayan ang pagdugo sa lagos kon magtoothbrush ug mamintinar sab ang kaputi sa ngipon. Apan unsaon man pagsiguro nga sakto ang imong gibuhat aron mamintinar ang kalimpyo sa imong baba?
Diay lima ka mga paagi aron sa pag-giya nimo sa pagmintinar sa imong ngipon: 1. Bisitaha ang imong dentista Anara ang imong kaugalingon sa pagbisita sa imong dentista bisag kaduha sa usa ka tuig. Kinahanglan kini bisan og wala kay gipamati sa imong ngipon ug lagos kay aron makita sa dentista ang posibleng moabot nga mga problema ug mahatagan dayon sa solusyon samtang sayo pa. Kon ang ngipon dili sakto pagkalinya, posibleng mosugyot ang dentista sa pagpa- brace.
2. Pag- toothbrush duha sa usa ka adlaw
Kasagaran sa mga tawo mag- toothbrush sa buntag ug gabii. Apan mas importante ang saktong pagbuhat ini kay ang sayop nga pag- brush sa ngipon dili makatabang ini ug makadaot sa lagos sa matag higayon nga sayop ang imong pagbuhat ini.
3. Pilia ang saktong toothbrush
Pilia ang toothbrush nga komportableng gamiton aron mas daling maabot ang mga suok-suok nga bahin sa baba. Importante sab ang pag-ilis sa toothbrush kay ang daan ug ang wala na maporma nga toothbrush maglisod sa paglimpyo sa ngipon ug makadaot sab kini. 4. Panghingiki bisag ka usa sa usa ka adlaw
Ang pagbrush sa ngipon dili lang kasiguradohan sa pagmintinar sa kalimpyon sa ngipon. Dili makab-ot sa
toothbrush ang tanang parte sa ngipon, busa gamit ang pagpanghiki aron matangtang ang mga dili makab-ot sa toothbrush. Matod sa mga eksperto sa dental hygiene nga epektibo ang pagpanghiki kay sa sa pag- toothbrush sa mga ingon ani nga higayon. Ang regular nga pagbuhat ini makakontrolar sa pagkabaho sa ginhawa ug makaminos sab sa sakit sa lagos ug pagkadaot sa ngipon. 5. Bantayi ang imong pagkonsumo sa
asukar ug tam-is nga mga ilimnon.
Sa matag higayon nga ikaw mokaon o moinom og tam-is, magkahigayon ang mga kagaw sa baba sa paggama sa klase sa acid nga makadaot sa ngipon. Ang sobra nga pagkaon sa mga tam-is nga pagkaon moresulta sa pagkadaot sa ngipon ug pagkalungag ini.
Dako og ikatabang ang pagbisita sa dentista, regular nga pag- toothbrush, ug ang pagkaon sa saktong pagkaon aron sa mahimsog nga ngipon. Maebelle Rellon, USJ-R Journalism Intern / sg.style.yahoo.com