Unsa kaadunahan ni Chavit Singson?

BISAN kon wala niya mabawi ang iyang puhunan nga $15 million (kapin sa P500 million) nga iyang gitampo aron lang madayon ang Miss Universe pageant sa Pilipinas, matod sa kanhi Ilocos Sur Gov. Luis “Chavit” Singson nga andam gihapon siyang mosuporta ug mosugal kon subli kunong ipahigayon gihapon sunod tuig ang Miss Universe pageant sa Pilipinas.

Si Singson giingong nigasto og laing $12 million or P600 million sa pagpalit og luxury yacht, M/Y Happy Life, nga maoy gisakyan sa mga kandidata sa Miss Universe candidates sa pagbisita sa Batangas province gikan sa Manila.

Ang barko dunay lima ka andana ug 16 ka mga lawak, diin kumpleto ni sa Jacuzzi hot tubs. Duna sad ni karaoke room.

Tungod niini daghan ang naintriga kon unsa diay kaadunahan aning Chavit Singson?

“My net revenues amount to about Php120 million a month. There are a lot. I have many businesses that earn millions,” butyag sa 75-anyos nga chairman sa LCS Group of Companies sa interbyu sa Entrepreneur. PH nga nigawas sa Pep.ph.

“The construction, I make billions; the transportation, I’m netting around Php100 million a month; I’ve earned Php1 billion from that in previous years, just for transportation."

Iya sad gihisgutan ang mga bag-o niyang gisudlan nga negosyo, sama sa commercial airline nga di lang pang- domestic kundi pang- international pa.

Duna sad kuno siyay banko sa Puerto Rico [Vigan Banco International] nga dunay branches sa Los Angeles ug Mexico, ug plano niyang mag-abli og local branches sa GO Sport, usa sa Europe’s largest sporting goods chains.

Naa siya’y Baluarte, ang 80-hectare interactive wildlife sanctuary nga sikat nga tourist destination sa iyang home province sa Ilocos Sur. Dihang gipangutana pila kabuok ang iyang kompanya, ang iyang tubag: “There are a lot. Maybe around a hundred. Some of them aren’t in my name.”

Ang iyang LCS Group of Companies naglakip sa construction, agriculture, transportation, mining, aviation, media, banking, finance ug retail.

“The previous administration tried to squeeze me about my taxes, but they couldn’t pin me down because all my companies pay taxes.”