Kerr ug Brooks napiling Coaches of the Month

SILA si Scott Brooks sa Washington Wizards ug Steve Kerr sa Golden State Warriors maoy nahimong NBA Eastern and Western Conference Coaches of the Month, sa bulan sa Enero.

Si Brooks migiya sa Washington ngadto sa 12-4 nga record sa Eastern Conference sa niaging buwan sa dihang ang Wizards misaka ngadto sa unang luna sa Southeast Division.

Ang Wizards nakakulit usab og 7-0 nga baraha sa Verizon Center aron inaton ang ilang winning streak ngadto sa 15 ka duwa nga nakatabla sa ikaduhang pinakataas nga sunodsunod nga kadaugan sa kasaysayan sa team.

Ilang gitapos ang buwan sa lima ka way putolputol nga kadaugan lakip na niini ang pagpukan sa kasamtangang Atlantic Division leader Boston Celtics u gang Southeas coleader Atlanta Hawks.

Samtang si Kerr sa iyang bahin, mituboy usab sa Warriors ngadto sa 12-2 nga baraha nga maoy pinakamaayong nahimo sa buwan sa Enero.

Ang duha ka kapildihan ilang naangkon batok sa Memphis Grizzles nga mibuntog kanila sa overtime ug ang masakit nilang pagkapukan sa Miami Heat pinaagi sat res ni Dion Waiters sa katapusang sais segundos.

Ang Warriors nangulo sa NBA sa scoring (120.3 ppg), assists (30.6 apg), 50.9 sa field goal ug 14.1 nga point differential, apil na niini ang ilang pagpukan sa Cleveland Cavaliers, Houston Rockets ug LA Clippers.

Niadtong Enero 23, si Kerr ug ang iyang staff ang gitudlo nga maoy mo coach sa Western Conference All-Stars sa 2017 NBA All-Star Game tungod sa ilang pinakataas nga record sa conference.