Babaye naputos sa dinunggaban, patay

BABAYE nga gidudahang nalambigit sa drugas napalgang patay nga dunay daghang mga samad dinunggaban sa kalawasan sa hilit nga lugar sa Barangay Media Onse, dakbayan sa Toledo.

Si Judecle Rizada Caridad, 27, dalaga, taga Mananga 1, Barangay Tabunok, dakbayan sa Talisay, napalgan sa usa ka residente sa dapit.

Si PO3 Junard Sinco sa Lutopan, DAS Police Station nga nahinabi sa Superbalita Cebu, nibutyag nga usa ka May Siaboc maoy nakakita sa lawas ni Caridad samtang siya nanugway sa iyang binuhing baka.

Iyang gipahibawo ang iyang mga kabanay, silingan ug local nga mga opisyal kalabot sa lawas. Nailhan si Caridad nga usa ka “Jean”. Napalgan kilid sa iyang lawas ang kutsilyo, daghang mga putos nga sudlanag ilegal nga drugas, sling bag ug kwarta nga kapin sa P100.

Matod ni PO3 Sinco nga ang sinina ni Caridad nahubo ang katunga apan way timailhan nga gilugos sanglit intact ang iyang sapot.

Gisubay nila karon ang anggulo nga posibling may kalambigitan sa drugas ang kamatayon ni Caridad sanglit dunay mga pat-ak sa drugas sa crime scene ug gagmayng putos sa shabu.

Sumala niya nga ang kanhi live-in niini nalambigit sa ginadiling drugas ug sa pagkakaron nabilanggo.

Ikaduhang anggulo ang posibilidad nga gitulis si Caridad ug nisukol sa tulisan hinungdan nga nadungaban ug napatay.

Posible sab nga may personal nga kalagot kaniya ang killer ug giatangan dayon gipatay.

“Tan-awonon pa kaayo ni, Sir. Mas lawom nga imbestigasyon kay initial lang nato nga info, duna siyay kapuyo nga drug pusher. Priso na man kay nadakpan naman to basin duna silay laing gikaaway” dugang ni PO3 Sinco.

(FILE PHOTO) MOAPELAR. Si Cebu Dumanjug Mayor Guntrano “Gungun” Gica gitaktak sa Visayas Ombudsman tungod sa giingong pag-usab sa resibo sa nakaon nila sa usa ka tigom sa mga opisyal sa lungsod sud sa usa ka kan-anan sa dakbayan sa Sugbo. Moapelar siya sa hukom ug...