Mall may hulga?
NIKATAP karon sa social media ang usa ka confidential mandate ngadto sa kapulisan nga pahugtan pa ang pagkuha og impormasyon kabahin niining bomb threat sa usa ka inilang mall sa nasod.
Apan ang nailang mall sa ilang bahin nipanghimakak nga adunay hulga sa pagpangbomba ug giingon nga na- verify na sa kapulisan ug way kamatuoran ang gipangkatag nga thread.
Ang mando adunay petsa nga Pebrero 3, 2017 diin nimando ang Directorate for Intelligence sa Camp Crame nga magmatngon og maayo ang kapulisan subay sa nikatap nga hulga.
Sa naasoyng thread, nagsaysay kini nga nangayo ang Abu Sayaf og $15 milyones sa kadagkoan sa usa ka mall ug usa ka semana ang gihatag nga tagal ug kon di kini mahatag, bombahan ang mga mall niini.
“Hi guys! Just an update, we just got a call from abusayaf right now asking … for $15million! Or else they’re going to bomb the mall. We have 1 week to do that. We are on high alert now. Tell your love ones, friends and co workers better avoid any ___ branch for the mean time. Better be safe than sorry. We are doing close security after receiving the call this morning. Don’t post on your walls as per request of the officer. But do inform relatives and friends. Please private message only. (this is frm : BCD ___ ADMIN . - Frm : Kyla Avonahceh . please don’t post it on your wall . kindly, pass this on your friends. Thank you,” mao kini ang tibuok nga thread nga nikatag sa Messenger sa social networking site nga Facebook.
Lain nikatag kagahapon ang mando sa kapulisan nga pahugtan ang intelligence niini kabahin sa maong thread nga gipirmahan sa usa ka P/SSupt. Vicente Danao Jr., ang mando.
Si P/CSupt. Noli Taliño, director sa Police Regional Office 7, sa pakighinabi sa mga tigbalita kagahapon wa pa mokompirmar sa mando kon tinuod ba kini o di.