Bisaya maoy midaog sa Mrs. Grandma Universe
“GRANDPARENTS are like icing on a cake.” Introduction ni Agnes Padao-Jakosalem, 51 nga nakapa-ukyab sa mga hurado sa 8th Mrs. Grandma Universe nga gipahigayon sa Sofia, Bulgaria niadtong Enero 22, 2017.
Ang realtor nga si Jakosalem nagsilbing labing unang Filipina nga milangkat sa maong korona kinsa way kasinatian sa mga beauty pageant gawas lang sa pagtan-aw diha sa telebisyon.
Sa presscon nga gipahigayon sa Jose Filipino Kitchen, Cebu Yacht Club, Pusok Lapu-Lapu City ang Mindanaonon nga casting director sa beauty pageant nga si Yves ‘Tatta’ Saguin maoy mi-agni sa iyang childhood friend nga si Jakosalem nga mosalmot.
Nasayran nga way question and answer ingon man swimwear competition ang maong pageant gawas sa essay writing gikan sa 15 ka mga kandidata gikan sa nagkadaiyang nasud maoy ilang giduso.
Gibate og kabalaka si BS Medical Technology graduate (Southwestern University) sa dihang ang iyang kaatbang nga lola adunay background sa modelling ug TV commercial model sa mga inila nga product brand sama sa pambato sa Peru, Ukraine ug Spain.
“Grandmothers are gift to our grandchildren. We can do a lot for them aside from time and pass unto them the value and (nurture) good relationship, especially their parents are not around because they devout their time to work,” tipik sa unod sa essay ni Jakosalem nga taga-Consolacion, Cebu.
Dako ang pagtuo ni Padao-Jakosalem nga ang iyang hugot nga pagtuo ni Señor Sto. Niño ilabi na ang iyang talent mao ang pagpakita sa dance steps sa Sinulog-based bitbit ang imahen sa batang Hesus maoy nakapadaog kaniya sa maong international pageant.
Si Jakosalem lumad nga taga-Dapitan, Zamboanga del Norte nga naminyo og taga-Sugbo ug nakabaton ug tulo ka anak ug usa ka apo.