Beermen miabante sa semis
MIABANTE ang San Miguel Beer sa semifinals round sa PBA Philippine Cup human nila gipakita nga dili lang kay si June Mar Fajardo ang ilang gisaligan sa dihang ilang gipukan ang Rain or Shine Elasto Painters, 9891, sa Ynares Center sa Antipolo.
Nagawasawas sa kainit sa opensa ang Beermen ilabi na sa ilang bagong nakuha nga si RR Garcia kinsa mirehistro og 25 puntos nga gidayandayanan og lima ka triples sulod sa 26 minutos, butang nga makahatag og kahago ni Fajardo.
Maayo usab nga nakamaniobra si Chris Ross diin mipabuto gilayon kini og 13 puntos sa first half sa wala pa usab manginit ang kamot ni Arwind Santos kinsa mitapos usab sa duwa nga may 13 puntos alang sa Beermen kinsa mitali na og 10 ka sunodsunod nga kadaugan.
“They’re really a contender. We had a hard time beating them. They kept on catching up,” nagkanaon si SMB coach Leo Austria. “But unfortunately for them, my players really wanted to win.”
Sa kadaugan, ang Beermen magpaabot na lang karon sa modaog tali sa TNT Katropa ug GobalPort quarterfinals match.
Wa na kaayo mohatag og laylo pa ang Beermen bisan pa man sa ilang twicetoadvantage ug ila gilayon kining gisugdan pagarangkada sa sayong bahin ubos sa panagtambayayong nila ni Ross ug Garcia, bisan pa man og wa kaayo mobagnod si Fajardo.
Si Fajardo nga maoy frontrunner sa Best Player of the Conference award, sa gihapon nakamaniho og 14 puntos, 14 ka rebounds, usa ka block sulod sa 27 minutos.
Si Beau Belga ang nangulo sa napukan nga EPainters nga may 18 points. Midugang og nuebe puntos si James Yap samtang kuwatro puntos ra ang natampo ni Jericho Cruz. Puntos matag usa: SMB 98 - Garcia 25, Fajardo 14, Sntos 13, Ross 13, Lassiter 11, Espinas 10, Cabagnot 9, Tubid 3, De Ocampo 0. Rain or Shine 91 - Belga 18, Washington 16, Norwood 14, Ahanmisi 12, Ponferada 10, Yap 9, Chan 6, Cruz 4, Matias 2, Tolomia 0, Tiu 0, Trollano 0.