Iring gibutangan og patik ang lawas
GISAWAY ang usa ka body artist sa mga animal rights activist human ang iyang way balhibong iring nga “Spyhynx cat” gibutangan niyang patik.
Ang lalake nga naila sa pangalan nga Aleksandr, mibutang og patik sa iyang mananap, diin gitawag niyag Demon didto sa Yekaterinburg, Sverdlovsk Oblast region, Russia.
Si Aleksandr, kinsa may 10 ka patik sa iyang kaugalingong lawas, mibutang og patik sa way balhibo niyang mananap og upat ka mga bahin sa lawas ug dughan.
Matod niya nga gibutangan niya anaesthesia si Demon aron makaya ra niini ang kasakit sa higayon nga gamitan niyag dagom ang pagpatik niini ug niangkon nga daw sa di insakto ang iyang gibuhat.
“Of course I feel pity for doing it to him. It’s not like he wanted to do it himself. He has a different skin, so tattoos are applied differently. I hope it is not too bad for him, it is not his first tattoo. Usually he feels fine and recovers from the anaesthesia pretty fast,” matod ni Aleksandr nga gikutlo sa taho sa Mirror News.
Ang mga patik nga gipili ni Aleksandr alang kang Demon kasagaran nabutang kini sa mga kriminal sa Russia lakip ang representasyon ang tower sa prisohan, gwapang babaye ug sigarilyo.
Ang naasoyng mga simbolo nagpasabot nga karaan na sila sa criminal gang, gitas-on sa ilang pagkapriso ug unsa ka seryuso ang krimen nga ilang gikalambigitan.
Ang animal activist nga si Yelizaveta Skorynina nikondinar akng Aleksandr pagpasakit kang Demon sa way igong rason gawas lang sa iyang gusto.
Matod niya nga ang panit sa Sphynx cats sensitibo kini ug ang pagbutang anaesthesia dako kining risgo.
“The drug turns off the movement of the cat, but the brain is still working. If he does it frequently, it could affect its heart,” matod ni Skorynina.