Peke nga bata gigamit sa kawat
NASAKPAN nag usa ka batan-ong shoplifter nga nitago og butang diha sa stroller sa bata diin nagpatuo nga aduna siyay bata apan peke kini diin gihimo duwaan ug bra.
Dihang nasakpan siya staff, iyang gisagpa ang nawong sa manager sa tindahan hinungdan nga nadugangan ang iyang kaso.
Si Saffron Curtiss-McGinty nigamit sa iyang modus sa B&M Bargains sa Solihull, West Mids aron manguha og kandila ug electric tootbrush.
Ang 18 anyos nga suspek, kinsa gikan sa Highgate Birmingham, nasuko dihang ang staff nipahunong kaniya dihang nangawat siya niadtong Enero 27.
Ang mga security guard nisusi sa iyang stroller ug nadiskubrehan nga ang iyang bata hinimo sa duwaan nga iro nga gisininaan og sama sa bata.
Si Curtiss-McGinty nagdibuho og sama sa nawong sa bra diin gibutang kini isip nawong sa duwaan.
Sa taho sa Mirror News, ang opisyal sa West Midlands Police misikop kang Curtiss-McGinty nunot sa pagpangawat ug pagsagpa store manager sa iyang nawong.
Giangkon sa suspek ang iyang pagpangawat diin nakuhaan siyag hulagway sa CCTV nga nangawat sa samang tindhan sa milabayng adlaw ug nanagpa siya.
Gisilutan siyag 12 ka buwan nga community order ug gimanduan nga mobayad sa iyang gikawatan sa higayon nga mopakita siya sa Birmingham Magistrate Court.
“She won’t be winning any awards for her artwork that’s for sure. I guess her baby portrait could be politely described as ‘abstract’, matod ni Chief Inspector Jack Hadley.
Nitataw si Hadley nga nasayod sila sa mga modus sa mga kawatan nga mogamit og mga bata aron mangawat apan karon pa sila nakasakop nga gigamit mismo ang ilang anak apan peke lang.
“Shoplifting is a serious matter, though, and recent figures show that West Midlands Police investigates some 16,000 shop thefts a year costing the taxpayer more than £1million,” dugang padayag sa opisyal.