24 ka bitin mipuyo sa balay

ANG gikahadlokan sa pamilya nahimong tinuod dihang may bitin nga diha sa ilang pansayan diin may laing 24 pa niini diha sud sa tibuok balay.

Ang bitin nakit-an diha sa pansayan ug laing 13 nadiskubrehan sa silong.

Adunay laing 10 apil ang bag-o pang natawo nakit-an diha sa pundasyon sa balay.

Ang makahadlok nga pagkadiskubre nahitabo didto sa Jones county duol sa Buffalo Gap sa Texas.

Gitawag ang Pest Control company nga Big Country Snake Removal aron maoy mokuha sa mga mananap.

Ang bitin nga diha sa pansayan gituohan nga nakasud pinaagi sa nabuak nga tubo.

Mipaambit ang kompanya sa imahe sa ilang misyon nga pagkuha sa mga bitin sa Facebook.

“Last week we received a call from a family in Jones county who had an adult rattlesnake in their toilet. Yes, in their toilet! The snake found its way in from an opening in a relief pipe that I later sealed,” nagkanayon ang ilang post sa Facebook nga gikutlo sa Mirror News.

Mao kini ang unang bitin nga nakit-an sa pamilya nga anaa sa ilang balay sa pipila na ka katuigan.

Sa ilang pag-abot ilang gilayon nga nakit-an ang 13 ka mga bitin ug ila gilayon nga nakuha.

“After a thorough perimeter check, I crawled underneath the house where I removed another 10, five being babies... 24 snakes total, including the toilet snake, and the family had no idea,” dugang nilang post sa Facebook.