Lady Gaga, mipaukyab sa Super Bowl

NI- PERFORM si Lady Gaga sa halftime set sa Super Bowl gahapon nga bitbit ang mensahe sa kahiusahan ug kaangayan. “Lady Gaga kicked off her Super Bowl halftime set on Sunday by singing "God Bless America" as a subtle message of inclusion and unity in a deeply divided United States,” matod sa report. Daghan ang nagtuo nga iyang gamiton ang maong higayon aron pikhan si President Donald Trump, apan igo ra gilakbitan ni Gaga ang American Pledge of Allegiance, "one nation, indivisible with liberty and justice for all," sa iyang opening song. Si Lady Gaga nigawas gikan sa atop ug nikanaug sakay sa cable paingon sa stage ug nikanta sa choreographed 13-minute set sa iyang greatest hits atol sa National Football League championship tali sa New England Patriots ug Atlanta Falcons.

Human sa iyang performance, gihagbong ni Lady Gaga ang microphone, nisawo og football ug dayong ambak sa hagdanan.

Sa wala pa ang iyang performance, nga gitutokan sa mokabat sa 100 million U.S.

viewers, ang 30-anyos nga si Gaga nag- post sa Instagram sa plano niyang paukyab. Apan dili si Lady Gaga ang nihimo og political statement sa show kundi silang Renee Elise Goldsberry, Phillipa Soo, ug Jasmine Cephas Jones, ang Schuyler sisters sa Broadway musical "Hamilton," nga nihatag sa ilang suporta sa isyu sa

women’s rights dihang ilang gikanta ang "America the Beautiful" sa wala pa ang duwa.